मनो बुद्धि अहंकार चित्तानि नाहं,
न च ष्रोत्र जिह्वे न च घ्राण नेत्रे. |
न च व्योम भूमिर्न तेजो न वायुः
चिदानन्दरूपः षिवोऽहम् षिवोऽहम् || १ ||
न च प्राण संज्ञो न वै पञ्चवायुः
न वा सप्तधातुर् न वा पञ्चकोशः ।
न वाक्पाणिपादौ न चोपस्थपायू
चिदानन्दरूपः शिवोऽहम् शिवोऽहम् ॥ २ ॥
न मे द्वेषरागौ न मे लोभमोहौ
मदो नैव मे नैव मात्सर्यभावः ।
न धर्मो न चार्थो न कामो न मोक्षः
चिदानन्दरूपः शिवोऽहम् शिवोऽहम् ॥ ३ ॥
न पुण्यं न पापं न सौख्यं न दुःखं
न मन्त्रो न तीर्थो न वेदो न यज्ञाः ।
अहं भोजनं नैव भोज्यं न भोक्ता
चिदानन्दरूपः शिवोऽहम् शिवोऽहम् ॥ ४ ॥
न मे मृत्युशङ्ग्का न मे जातिभेदः
पिता नैव मे नैव माता न जन्म ।
न बन्धुर्न मित्रं गुरुर्नैव शिष्यः
चिदानन्दरूपः शिवोऽहम् शिवोऽहम् ॥ ५ ॥
अहं निर्विकल्पो निराकाररूपो
विभुर्व्याप्य सर्वत्र सर्वेन्द्रियाणि ।
सदा मे समत्वं न मुक्तिर्न बन्धः
चिदानन्दरूपः शिवोऽहम् शिवोऽहम् ॥ ६ ॥
Image Copyright © 2021 by Donald C. Traxler aka Nagna, ꭴᏸꮈꭽ.
No comments:
Post a Comment