Pointed Text of Shem-Tob's Hebrew Matthew: Chapter Four, Part II (verses 15-25)

אַרְצָה זְבוּלוּן וְאַרְצָה נַפְתָלִי דֶּרֶךְ הַיָּם עֵבֶר אֶת הַיַרְדֵן גְלִיל הַגוֹיִם׃ 15

הָעָם הַהוֹלְכִים בַחוֹשֶׁךְ רֶאוּ אוֹר גָּדוֹל יוֹשְׁבֵי בְאֶרֶץ צַלְמָוֶת אוֹר נָגַה עֲלֵיהֶם׃ 16

מִכָאן וְאֵילֵךְ הִתְחִיל יֵשׁ“וּ לִדְרוֹש וְלִדְבֹר חִזְרוּ בִּתְשׁוּבָה שְמַלְכוּת שָמָיִם קָרוֹבָה׃

17

וַיִלֹךְ יֵשׁ“וּ עַל שָׂפָת הַיַם הַגְלִיל וַיִרְאָ שְׁנֵי אַחִים שִׁמְעוֹן שְיִקְרָא סִימ“וֹֹן וְנִקְרָא פְיֶיטְ“רוֹס וְאַנְדְירֶ“יאָה אַחָיו מַשְׁלִיכִים מִכְמֹרוֹתֵיהֶם בַיָּם שְהָיוּ דַייָגִים׃ 18

וַיֹּאמֶר לָהֶם לְכוּ אַחֲרָי וְאֶעֱשֶׂה אֶתְכֶם מֹדַייְגִים אֲנָשִׁים׃ 19

וַיַעַזְבוּ מִכְמֹרוֹתֵיהֶם בְאוֹתָה שָׁעָה וַיִלְכוּ אַחֲרָיו׃ 20

ויט מִשָׁם וַיַּרְא שְׁנֵי אַחִם אֲחֵרִים יַעֲקֹב וְיוֹחָנָן אַחִים בְנֵי זַבְדִיאֵל בְלַעַז זָבָאדָ“אוֹ וְזָאבָ“אדָה וְאַבִיהֶם בְאֲנִיָּה מְכִינִים מִכְמֹרוֹתֵיהם וַיִּקְרָא אוֹתָם׃ 21

וַיִּמְהֲרוּ מִכְמֹרוֹתֵיהֶם וְאֵת אַבִיהֶם וַיִּלְכוּ אַחֲרָיו׃ 22

וַיָּסָב יֵשׁ“וּ אַל אֶרֶץ הַגְלִיל לִלָמֹד קְהִלּוֹתָם וּּמְבַשֵּׂר לָהֶם זֶבֶד טוֹב לַעז מַאוָונְגְ“יֶילְייֹ מִמַלְכוּת שָׁמַיִם וּמְרַפֵּא כָּל חוֹלִים וְכָּל מַדְוֶה בָּעָם׃ 23

וַיִּלֶךְ שְמוּעָתוֹ בְּכָל אֶרֶץ סוּרְ“יָא וַיִּשְׁאָוּ אֵלָיו כָּל הַחוֹלִים מִכָל מִינֵי חֳלָאיִם מֵשׁוֹנִים אַחוּזִים הַשֵׁדִים וְהַנִבְעֲתִים מֵרוּחַ רָעָה וְהַמְתֵרעָשִׁים וַיִּרְפָּא אוֹתֶם׃ 24

וַיִּלְכוּ אַחֲרָיו רַבוֹת מַקָפּ“וֹלִי וְהַגָּ“לִיל מֵיְרוּ“שָׁלֵם וִיוּדָ“א וְעֵבֶר הַיַּרְ“דֵּן׃ 25

x

I'm sure that I have made mistakes in the pointing. Corrections will be welcomed (comment or send e-mail to exolinguist at gmail dot com). Thanks.